எம்.பி.ஏ., எம்.சி.ஏ., எம்.இ., எம்.டெக்., எம்.ஆர்க்., எம்.பிளான் படிப்புகளில் சேர்வதற்கான ‘டான்செட்’ தேர்வு தேதி அறிவிப்பு

2018-ம் ஆண்டுக்கான டான்செட் தேர்வு குறித்த அதிகாரப்பூர்வ அறிவிப்பை அண்ணா பல்கலைக்கழகம் வெளியிட்டுள்ளது.

தமிழ்நாட்டில் அண்ணா பல்கலைக்கழகம், அதன் உறுப்புக் கல்லூரிகள், மண்டலக் கல்லூரிகள், அரசு மற்றும் அரசு உதவிபெறும் கலை அறிவியல் கல்லூரிகள், தனியார் சுயநிதிக் கல்லூரிகளில் முதுநிலை பட்டப்படிப்புகளான எம்.இ., எம்.டெக்., எம்.ஆர்க்., எம்.பிளான்., எம்.பி.ஏ., எம்.சி.ஏ. ஆகிய படிப்புகளில் சேர்வதற்கு ‘டான்செட்’ ( TANCET - Tamilnadu Common Entrance Test) என்று அழைக்கப்படும் தமிழ்நாடு பொது நுழைவுத் தேர்வை எழுத வேண்டியது அவசியம். டான்செட் நுழைவுத் தேர்வை அண்ணா பல் கலைக்கழகம் ஆண்டுதோறும் நடத்துகிறது.

இந்தாண்டுக்கான டான்செட் தேர்வுக்கு 02-04-18 முதல் 23-04-18 வரை ஆன்லைனில் விண்ணபிக்கலாம்.

தேர்வு நடைபெறும் நாள்
எம்.சி.ஏ - 19-05-18 காலை 10 மணி முதல் 12 மணி வரை

எம்.பி.ஏ - 19-05-18 மதியம் 2.30 மணி முதல் 4.30 மணி வரை

எம்.இ., எம்.டெக்., எம்.ஆர்க்., எம்.பிளான் - 20-05-18 காலை 10 மணி முதல் 12 மணி வரை

விண்ணப்ப கட்டணம்
பொது / பிற்படுத்தபட்ட வகுப்பினர் - ₹500

தாழ்த்தப்பட்ட / பழங்குடி வகுப்பினர் - ₹250

மேலும் விபரங்களுக்கு : https://www.annauniv.edu

டான்செட் தேர்வு குறித்த அறிவிப்பு

Keywords: TAMIL NADU COMMON ENTRANCE TEST, TANCET 2018,M.B.A., M.C.A.,  M.E. , M.Tech. , M.Arch. ,M.Plan.,DEGREE PROGRAMMES,
 ANNA UNIVERSITY, CHENNAI ,

அகில இந்திய வேளாண் நுழைவு தேர்வு தேதி அறிவிப்பு

அகில இந்திய வேளாண் படிப்புகளுக்கான நுழைவு தேர்வு (AIEEA) தேதி குறித்த அறிவிப்பை இந்திய வேளாண்மை ஆராய்ச்சிக் கழகம் (ஐ.சி.ஏ.ஆர்)  (ICAR) வெளியிட்டுள்ளது.

இந்தியாவில் உள்ள வேளாண்மை பல்கலைக்கழகத்தில்  இளநிலை, முதுநிலை, முனைவர் பட்ட படிப்பில் சேர மாணவர்களுக்கு அகில இந்திய வேளாண் நுழைவு தேர்வானது நடத்தப்படுகிறது. இந்த தேர்வை இந்திய வேளாண்மை ஆராய்ச்சிக் கழகம் (ஐ.சி.ஏ.ஆர்)  (ICAR) நடத்துகிறது.  இந்த தேர்வில் வெற்றி பெறும் மாணவர்களுக்கு வேளாண் கல்லூரிகளில் படிக்க இடம் கிடைப்பது மட்டுமின்றி கல்விச் செலவுகளுக்காக உதவி தொகையும் வழங்கப்படுகிறது.

2018-ம் ஆண்டுக்கான அகில இந்திய வேளாண் படிப்புகளுக்கான நுழைவு தேர்வு குறித்த அதிகாரப்பூர்வ அறிவிப்பை ஐ.சி.ஏ.ஆர் வெளியிட்டுள்ளது. அதில்  +2 முடித்த மாணவர்களுக்கு மே 12 ம் தேதி சனிக்கிழமை தேர்வு நடைபெறும். முதுநிலை படிப்புக்கும், ஆராய்ச்சி படிப்புக்கும் மே 13 ம் தேதி ஞாயிற்றுக்கிழமை இந்த தேர்வு நடைபெறும்.

கல்வி தகுதி :
இளநிலை UG படிப்பில் சேர
+2 வகுப்பு முடித்திருக்க வேண்டும் அல்லது +2 வகுப்பில் தற்போது படித்து கொண்டிருக்க வேண்டும்.
மேலும் +2 வகுப்பில் இயற்பியல், வேதிதியல், உயிரியல் அல்லது வேளாண்மை,  கணிதம் ஆகிய பாடங்களை படித்திருக்க வேண்டும்.

முதுநிலை PG படிப்பில் சேர
 வேளாண்மை அல்லது வேளாண்மை சாந்த படிப்புகளில் பட்டம் பெற்றிருக்க வேண்டும். அல்லது வேளாண்மை அல்லது வேளாண்மை சாந்த படிப்புகளில் இறுதி ஆண்டு படிக்கும் மாணவராக இருக்க வேண்டும்.

மேலும் விபரங்களுக்கு : http://www.icar.org.in


Keywords : All India Entrance Examination For Agriculture , AIEEA-2018,AIEEA,ICAR,Indian Council of Agricultural Research,